PHPamintangdurog04
Elite
" UTUSAN MO ANG MGA MAYAYAMAN"
(1 Timoteo 6:17-19)
17 Ang mayayaman sa materyal na bagay ay utusan mong huwag magmataas at huwag umasa sa kayamanang lumilipas. Sa halip, umasa sila sa Diyos na masaganang nagbibigay ng lahat ng mga bagay para sa ating kasiyahan. 18 Utusan mo silang gumawa ng mabuti at magpakayaman sa mabubuting gawa, maging bukas-palad at matulungin sa kapwa. 19 Sa gayon, makakapag-impok sila para sa mabuting pundasyon sa hinaharap, at makakamtan nila ang tunay na buhay.
Mapagpalang araw sa ating lahat mga kapatid., Muli tayong magnilay ng Salita ng Dios.
Malaki ang gampanin ng mga lingkod ng Dios, tulad ng inuutos ni Pablo kay Timoteo na isa pa lamang kabataan. Paano niya uutusan ang mayayaman at mas matatanda sa kanya na huwag magmataas at huwag umasa sa kayamanang lumilipas? Kaya kaya nating gawin ang inuutos na ito ni Pablo kay Timoteo? Ang mga lingkod ng ng Dios ay may awtoridad na pagsabihan ang sinumang lumilihis sa panuntunan ng Biblia. Bilang tayo ay pinili ng Dios na mangaral sa mga tao... Katulad nito, tungkulin ni Timoteo na pagsabihan ang mga mayayamang hindi ginagamit ang kayamanan sa maka Dios na pamamaraan. Turuan sila na huwag magmataas at huwag ipagmalaki ang pagiging mayaman. At higit sa lahat dapat natin silang paalalahanan na ang kayamanan dito sa lupa ay lumilipas. Ipangaral din natin sa kanila na dapat silang umasa sa Dios na pinagmumulan ng lahat ng mga masaganang biyaya para sa kasiyahan ng bawat tao. Utusan silang gumawa ng mabuti at magpakayaman sa mabubuting gawa, na maging bukas palad at maging matulungin sa kapwa.. Kung minsan kailangan lang na may mapapaala sa kanila para magawa nila ang mga bagay na ito. Dahil marami ding mayayaman na may takot sa Dios at pagmahal sa kapwa... Mga kapatid ko at mga kamanggagawa sa ubasan ng Dios kung hindi natin sila matuturuang gumawa ng naayon sa kalooban ng Dios, hindi sila makapagiimpok ng kayamanan sa langit,. Kaya ibahagi natin sa kanila ang kaligtasang iniaalok ng Dios sa pamamagitan ng Kanyang Anak na si Hesus. Mababago lamang ang pananaw nila sa buhay kung may Kristo na magdadala sa kanila patungo sa kaliwanagan at tamang katwiran.... mga kapatid mahalaga ang ating pangangaral. Hilingin natin sa Dios na gabayan Niya tayo at bigyan ng katapangang maituwid ang mga likong gawa ng ating kapwa ayon sa Salita ng Dios, gaano man kataas ang antas ng buhay nila at kalagayan sa lipunan.
Pagpalain tayo ng Dios ngayon at magpakailanman sa Pangalan ng ating Panginoong Hesus. Amen.
Pastor Ombie Lontoc
(1 Timoteo 6:17-19)
17 Ang mayayaman sa materyal na bagay ay utusan mong huwag magmataas at huwag umasa sa kayamanang lumilipas. Sa halip, umasa sila sa Diyos na masaganang nagbibigay ng lahat ng mga bagay para sa ating kasiyahan. 18 Utusan mo silang gumawa ng mabuti at magpakayaman sa mabubuting gawa, maging bukas-palad at matulungin sa kapwa. 19 Sa gayon, makakapag-impok sila para sa mabuting pundasyon sa hinaharap, at makakamtan nila ang tunay na buhay.
Mapagpalang araw sa ating lahat mga kapatid., Muli tayong magnilay ng Salita ng Dios.
Malaki ang gampanin ng mga lingkod ng Dios, tulad ng inuutos ni Pablo kay Timoteo na isa pa lamang kabataan. Paano niya uutusan ang mayayaman at mas matatanda sa kanya na huwag magmataas at huwag umasa sa kayamanang lumilipas? Kaya kaya nating gawin ang inuutos na ito ni Pablo kay Timoteo? Ang mga lingkod ng ng Dios ay may awtoridad na pagsabihan ang sinumang lumilihis sa panuntunan ng Biblia. Bilang tayo ay pinili ng Dios na mangaral sa mga tao... Katulad nito, tungkulin ni Timoteo na pagsabihan ang mga mayayamang hindi ginagamit ang kayamanan sa maka Dios na pamamaraan. Turuan sila na huwag magmataas at huwag ipagmalaki ang pagiging mayaman. At higit sa lahat dapat natin silang paalalahanan na ang kayamanan dito sa lupa ay lumilipas. Ipangaral din natin sa kanila na dapat silang umasa sa Dios na pinagmumulan ng lahat ng mga masaganang biyaya para sa kasiyahan ng bawat tao. Utusan silang gumawa ng mabuti at magpakayaman sa mabubuting gawa, na maging bukas palad at maging matulungin sa kapwa.. Kung minsan kailangan lang na may mapapaala sa kanila para magawa nila ang mga bagay na ito. Dahil marami ding mayayaman na may takot sa Dios at pagmahal sa kapwa... Mga kapatid ko at mga kamanggagawa sa ubasan ng Dios kung hindi natin sila matuturuang gumawa ng naayon sa kalooban ng Dios, hindi sila makapagiimpok ng kayamanan sa langit,. Kaya ibahagi natin sa kanila ang kaligtasang iniaalok ng Dios sa pamamagitan ng Kanyang Anak na si Hesus. Mababago lamang ang pananaw nila sa buhay kung may Kristo na magdadala sa kanila patungo sa kaliwanagan at tamang katwiran.... mga kapatid mahalaga ang ating pangangaral. Hilingin natin sa Dios na gabayan Niya tayo at bigyan ng katapangang maituwid ang mga likong gawa ng ating kapwa ayon sa Salita ng Dios, gaano man kataas ang antas ng buhay nila at kalagayan sa lipunan.
Pagpalain tayo ng Dios ngayon at magpakailanman sa Pangalan ng ating Panginoong Hesus. Amen.
Pastor Ombie Lontoc