PHGentleman007
Forum Expert
Kahit gaano kabigat ang problema mo, palaging may mga bagay na puwede mong ipagpasalamat.
Nakatanggap ka na ba ng di mo inaasahang text message ng pasasalamat sa isang kaibigan o kamag-anak? Hindi ba tuwang-tuwa ka at nagpataba iyon sa puso mo? Oo. Likas lang na madama nating tayo ay mahalin at pahalagahan din.—Mateo 25:19-23.
Alam ba ninyo na sinusundan ng taong mapagpasalamat ang yapak ni Jesu-Kristo na kailanman ay hindi nakalimot na bigyang-pansin ang mabubuting ginawa ng iba.—Marcos 14:3-9; Lucas 21:1-4.
Tanggapin man natin o hindi, ang personal na pasasalamat, sa text, email man o bibigan, ay tila unti-unti nang nalilimutan. Nagbabala ang Bibliya na sa mga huling araw, ang mga tao ay magiging mga walang utang-na-loob. (2 Timoteo 3:1, 2)
Sa paggawa ng mabuti sa mga hindi
mapagpasalamat, matutularan natin ang Diyos na Jehova. Sa kabila ng katotoha-
nang marami ang hindi nagpapahalaga sa pag-ibig na ipinakikita Niya, hindi siya tumitigil sa paggawa ng mabuti sa kanila.
(Roma 5:8; 1 Juan 4:9, 10) “Pinasisikat niya ang kaniyang araw sa mga taong balakyot at sa mabubuti at nagpapaulan sa mga taong matuwid at sa mga di-matuwid.”
Kung sinisikap nating maging mapagpasa-
lamat kahit namumuhay tayo sa isang di-
mapagpasalamat na sanlibutan, mapatutu-
nayan natin na tayo ay mga anak ng [ating] Ama na nasa langit.—Mateo 5:45.
