PHPamintangdurog04
Elite
"MAGALAK, MANALANGIN, MAGPASALAMAT"
1 Tesalonica 5:16-18
Mangagalak kayong lagi, magsipanalangin kayong walang patid, sa lahat ng mga bagay ay magpasalamat kayo.
Mapagpalang araw po sa ating lahat mga minamahal kong kapatid muli po tayong magnilay ng mga Salita ng Dios.
Una.. Mangagalak kayong lagi ang sabi ng ating talata,. Paano ba mapapanatili ang kagalakan, lalo na kung maraming hindi magagandang pangyayari ngayon sa ating paligid? ... Kahit saan ka tumingin ngayon ay malulungkot ka at mawawalan ng loob.. Subalit sinasabi ng Dios sa pamamagitan ni Pablo na magalak tayong lagi.. Huwag nating tignan sa negatibong pananaw ang bawat bagay, ang bawat kaganapan ay angkinin natin na may magandang layunin ang Dios para sa atin. Sabi sa Roma 8:28 "28 Alam nating sa lahat ng bagay ay gumagawa ang Diyos para sa mabuti kasama ang mga nagmamahal sa kanya, silang mga tinawag ayon sa kanyang layunin.
Sa ibang salin" ang lahat ng bagay ay nagkakalakiplakip para sa ikabubuti ng mga nagsisi ibig sa Kanya."
Pangalawa ay, magsipanalangin kayong walang patid, parang hindi natin magagawa ang manalangin ng walang tigil o walang patid. Mga kapatid ang ibig pong sabihin dito ni Pablo ay lahat ng bagay sa ating buhay ay isangguni natin at ipagpasalamat sa Dios, katulad ng ligtas tayo lagi, iniingatan tayo, at sa ating mga ginagawa ano man ito ay ipagpaalam natin sa Dios, huwag tayong gagawa ng anuman na hindi natin isinasangguni sa Kanya.. Ang isa pang ibig sabihin nito dapat ang ating isip at espiritu ay laging nakikipagusap sa kanya, kahit naglalaba ka o nagddrive ng sasakyan pwede mong kausapin at iugnay sa Dios ang iyong espiritu, lagi po tayong manalangin at makipagugnayan sa Dios ng walang patid.
At pangatlo, ipagpasalamat natin sa Dios ang lahat ng bagay, dati napapaisip ako sa mga ibig sabihin ng talatang ito subalit nakita ko sa aking paglalim sa aking pananampalataya na dapat nga nating ipagpasalamat ang lahat ng bagay at lahat ng pangyayari, dahil kung tunay tayong anak ng Dios batid natin na hindi ito mangyayari sa atin kung walang kapahintulutan ang Dios. Ito man ay kagalakan kapighatian at mga pagsubok, dahil ang kaalaman ng ating Dios ay mas mataas kaysa sa ating kaalaman, hayaan nating Siya ang magmaneho at kumontrol ng ating mga buhay, mas higit na alam ng Dios kung ano ang makabubuti sa atin, Kaya ipagpasalamat natin sa Kanya ang lahat ng bagay at pangyayari.
Muli ang pagiingat at kalinga ng Dios ay ating matamasa ngayon at magpakaylanman sa Pangalan ng ating Panginoong Hesus. Amen.
Pastor Ombie Lontoc
1 Tesalonica 5:16-18
Mangagalak kayong lagi, magsipanalangin kayong walang patid, sa lahat ng mga bagay ay magpasalamat kayo.
Mapagpalang araw po sa ating lahat mga minamahal kong kapatid muli po tayong magnilay ng mga Salita ng Dios.
Una.. Mangagalak kayong lagi ang sabi ng ating talata,. Paano ba mapapanatili ang kagalakan, lalo na kung maraming hindi magagandang pangyayari ngayon sa ating paligid? ... Kahit saan ka tumingin ngayon ay malulungkot ka at mawawalan ng loob.. Subalit sinasabi ng Dios sa pamamagitan ni Pablo na magalak tayong lagi.. Huwag nating tignan sa negatibong pananaw ang bawat bagay, ang bawat kaganapan ay angkinin natin na may magandang layunin ang Dios para sa atin. Sabi sa Roma 8:28 "28 Alam nating sa lahat ng bagay ay gumagawa ang Diyos para sa mabuti kasama ang mga nagmamahal sa kanya, silang mga tinawag ayon sa kanyang layunin.
Sa ibang salin" ang lahat ng bagay ay nagkakalakiplakip para sa ikabubuti ng mga nagsisi ibig sa Kanya."
Pangalawa ay, magsipanalangin kayong walang patid, parang hindi natin magagawa ang manalangin ng walang tigil o walang patid. Mga kapatid ang ibig pong sabihin dito ni Pablo ay lahat ng bagay sa ating buhay ay isangguni natin at ipagpasalamat sa Dios, katulad ng ligtas tayo lagi, iniingatan tayo, at sa ating mga ginagawa ano man ito ay ipagpaalam natin sa Dios, huwag tayong gagawa ng anuman na hindi natin isinasangguni sa Kanya.. Ang isa pang ibig sabihin nito dapat ang ating isip at espiritu ay laging nakikipagusap sa kanya, kahit naglalaba ka o nagddrive ng sasakyan pwede mong kausapin at iugnay sa Dios ang iyong espiritu, lagi po tayong manalangin at makipagugnayan sa Dios ng walang patid.
At pangatlo, ipagpasalamat natin sa Dios ang lahat ng bagay, dati napapaisip ako sa mga ibig sabihin ng talatang ito subalit nakita ko sa aking paglalim sa aking pananampalataya na dapat nga nating ipagpasalamat ang lahat ng bagay at lahat ng pangyayari, dahil kung tunay tayong anak ng Dios batid natin na hindi ito mangyayari sa atin kung walang kapahintulutan ang Dios. Ito man ay kagalakan kapighatian at mga pagsubok, dahil ang kaalaman ng ating Dios ay mas mataas kaysa sa ating kaalaman, hayaan nating Siya ang magmaneho at kumontrol ng ating mga buhay, mas higit na alam ng Dios kung ano ang makabubuti sa atin, Kaya ipagpasalamat natin sa Kanya ang lahat ng bagay at pangyayari.
Muli ang pagiingat at kalinga ng Dios ay ating matamasa ngayon at magpakaylanman sa Pangalan ng ating Panginoong Hesus. Amen.
Pastor Ombie Lontoc