PHPamintangdurog04
Elite
"WALA TAYONG MADADALANG ANOMAN"
( 1 Timoteo 6:6-8 )
“Datapuwa't ang kabanalan na may kasiyahan ay malaking kapakinabangan:Sapagka't wala tayong dinalang anoman sa sanglibutan, at wala rin naman tayong mailalabas na anoman; Nguni't kung tayo'y may pagkain at pananamit ay masisiyahan na tayo doon.”
Mapagpalang araw po mga kapatid muli po tayong magnilay ng mga Salita ng Dios.
Ang kabanalan o ang pamumuhay sa katwiran ng Dios ay may malaking kapakinabangan. Ang mga banal ay itinatangi ng Dios, bukod pa dito iwas din sa mga bisyo at makamundong gawain na sumisira ng kalusugan at pagkatao. Sa ating mundong ginagalawan napakahirap mamuhay ng may kabanalan, andiyan ang lahat ng tukso at kasalanan na nagaanyaya na sila ay ating patulan. Kaya nga sabi sa (Roma 12:2) Huwag kayong umayon sa takbo ng mundong ito... Tayo ay walang dalang anuman dito sa daigdig, subalit dinatnan natin dito ang mga gawa ng kasalanan na lalang ng Diablo. Sabi ng ating talata wala tayong dalang anuman sa sanlibutang ito, subalit ang lahat ng narito na dinatnan natin ay nakakaapekto sa ating pagkatao, kung pipiliin nating mamuhay sa takbo ng mundo wala tayong makukuha na anumang kapakinabangan, sa halip dadalhin tayo nito sa paghatol sa harap ng Dios. Wala nga tayong madadala pag alis natin sa mundong ito pero hahatulan tayo ayon sa ating pamumuhay na ginawa. .. Kaya mga kapatid mamuhay po tayo ng may kabanalan, upang pagharap natin sa ating Manlilikha ay makamit natin ang ating gantimpala... Huwag na tayong maghangad ng labis kung makokompromiso naman ang ating pagiging anak ng Dios. Sabi ng ating talata "masiyahan na tayo kung tayo ay may pagkain at pananamit" Ipinauunawa sa atin ng Salita ng Dios na makamit man natin ang lahat sa mundong ito wala naman tayong maiilalabas dito sa daigdig. Ang mga makasalanan at nagpasasa sa yaman ng sanlibutang ito ay wala din namang madadala sa impierno... At kahit tayong mga anak ng Dios ay wala ring madadala sa langit. Subalit kung mamumuhay tayo ng may kabanalan mas higit ang kapakinabanang ating makakamit sa buhay na walang hanggan, at hindi kaylanman ito matutumbasan ng lahat ng yaman ng sanlibutan ito.. Walang kulang sa langit naroon na ang lahat ng bagay na pinapangarap ng isang tao. Kasama pa natin ang ating Tagapagligtas at manunubos at ang ating Dios Ama. Mga kapatid, pakanasain nating mabuhay ng kalugod lugod sa Dios, ito ang tanging maihaharap mo sa iyong manlilikha, ang buhay na ganap at banal.
Ang pagpapala ng Dios ay sumagana sa ating lahat ngayon at magpakaylanman sa Pangalan ng ating Panginoong Hesus. Amen.
Pastor Ombie Lontoc
( 1 Timoteo 6:6-8 )
“Datapuwa't ang kabanalan na may kasiyahan ay malaking kapakinabangan:Sapagka't wala tayong dinalang anoman sa sanglibutan, at wala rin naman tayong mailalabas na anoman; Nguni't kung tayo'y may pagkain at pananamit ay masisiyahan na tayo doon.”
Mapagpalang araw po mga kapatid muli po tayong magnilay ng mga Salita ng Dios.
Ang kabanalan o ang pamumuhay sa katwiran ng Dios ay may malaking kapakinabangan. Ang mga banal ay itinatangi ng Dios, bukod pa dito iwas din sa mga bisyo at makamundong gawain na sumisira ng kalusugan at pagkatao. Sa ating mundong ginagalawan napakahirap mamuhay ng may kabanalan, andiyan ang lahat ng tukso at kasalanan na nagaanyaya na sila ay ating patulan. Kaya nga sabi sa (Roma 12:2) Huwag kayong umayon sa takbo ng mundong ito... Tayo ay walang dalang anuman dito sa daigdig, subalit dinatnan natin dito ang mga gawa ng kasalanan na lalang ng Diablo. Sabi ng ating talata wala tayong dalang anuman sa sanlibutang ito, subalit ang lahat ng narito na dinatnan natin ay nakakaapekto sa ating pagkatao, kung pipiliin nating mamuhay sa takbo ng mundo wala tayong makukuha na anumang kapakinabangan, sa halip dadalhin tayo nito sa paghatol sa harap ng Dios. Wala nga tayong madadala pag alis natin sa mundong ito pero hahatulan tayo ayon sa ating pamumuhay na ginawa. .. Kaya mga kapatid mamuhay po tayo ng may kabanalan, upang pagharap natin sa ating Manlilikha ay makamit natin ang ating gantimpala... Huwag na tayong maghangad ng labis kung makokompromiso naman ang ating pagiging anak ng Dios. Sabi ng ating talata "masiyahan na tayo kung tayo ay may pagkain at pananamit" Ipinauunawa sa atin ng Salita ng Dios na makamit man natin ang lahat sa mundong ito wala naman tayong maiilalabas dito sa daigdig. Ang mga makasalanan at nagpasasa sa yaman ng sanlibutang ito ay wala din namang madadala sa impierno... At kahit tayong mga anak ng Dios ay wala ring madadala sa langit. Subalit kung mamumuhay tayo ng may kabanalan mas higit ang kapakinabanang ating makakamit sa buhay na walang hanggan, at hindi kaylanman ito matutumbasan ng lahat ng yaman ng sanlibutan ito.. Walang kulang sa langit naroon na ang lahat ng bagay na pinapangarap ng isang tao. Kasama pa natin ang ating Tagapagligtas at manunubos at ang ating Dios Ama. Mga kapatid, pakanasain nating mabuhay ng kalugod lugod sa Dios, ito ang tanging maihaharap mo sa iyong manlilikha, ang buhay na ganap at banal.
Ang pagpapala ng Dios ay sumagana sa ating lahat ngayon at magpakaylanman sa Pangalan ng ating Panginoong Hesus. Amen.
Pastor Ombie Lontoc