[XX='Thea18, c: 1336982, m: 474474'][/XX] Eto, basahin mong mabuti at unawain nang maigi .. Baka pag di na naman sang-ayon sa paniniwala mo, magsabi ka na naman ng kung anu-ano
Deuteronomio 30:19 (Magandang Balita Biblia)
SAKSI KO ang langit at ang lupa na ngayo'y inilahad ko sa inyo ang buhay o kamatayan, at ang pagpapala o sumpa. Kaya, piliin ninyo ang buhay para kayo at ang inyong lahi ay mabuhay nang matagal.
Isipin mo,
ang langit at ang lupa, saksi din ng Diyos.
1. May literal ba na mga mata ang langit at ang lupa? (Pakisagot)
2. May literal bang mga tainga ang langit at ang lupa? (Pakisagot)
Kung ginamit ng Diyos na mga saksi kahit ang mga bagay na walang mata at walang tainga, bakit hindi Siya gagamit ng mga tao na kahit hindi nakakita sa pangyayari at hindi nakarinig sa tinig mismo ni Jesus eh gamitin niya bilang saksi?
Sabi ng Bibliya, ang mga iyan, ang langit at ang lupa, ay mga Saksi Niya.
Isa pa,
Awit 89:36, 37 (Ang Biblia, 1978)
Ang kaniyang binhi ay mananatili magpakailan man; at ang kaniyang luklukan ay
parang araw sa harap ko. Matatatag magpakailan man na
parang buwan, at
TAPAT NA SAKSI sa langit.
Ang binhi ni David, pangunahin nang tumutukoy kay Jesus, ay itinulad sa araw at sa buwan, na tinukoy din ng Bibliya na 'tapat na saksi' sa langit.
Tanong ulit,
4. Ang araw at buwan ba ay may mga mata para tawagin silang mga saksi?
5. Ang araw at buwan ba ay may mga tainga para tawagin silang mga saksi?
Ang tanong, bakit tinawag ngayon na mga saksi ang mga ito - ang langit, ang lupa, ang araw, at ang buwan?
Kasi,
nagtuturo sila ng katotohanan tungkol sa Diyos. Totoo, hindi sila nakakapagsalita, pero dahil sa mga nilikhang ito ng Diyos,
NAGPAPATOTOO ang mga ito at NATUTURUAN tayo na kilalanin na mayroong Diyos.
Kaya,
sa Bibliya, pag sinabing saksi, hindi yan palaging tumutukoy sa 'nakakita o nakarinig' lang. Kitang-kita naman diya'n sa kakalatag pa lang na mga talata.
Kaya,
kahit ang mga nilikha ng Diyos na walang literal na mata at pandinig, o hindi nakakita o nakarinig, eh ginagamit ng Diyos na kaniyang mga Saksi.
Kung ikakatuwiran ninyo sa amin na
"hindi naman ninyo nakita ang Diyos", ang sagot diyan ay
natural na walang makakakita sa Diyos, alam ninyo yan, huwag ninyong salungatin ang sinasabi ng Bibliya na 'walang taong nakakita sa Diyos at mabubuhay pa.'
Kaya kami tinawag na saksi kasi
NAGTUTURO kami at
NAGPAPATOTOO tungkol sa Diyos.
Alam mo ba kung ano ang 'nakikita' at 'naririnig' namin ngayon? Ito ay ang katuparan ng hula sa Bibliya na y'ong mga tunay na tagasunod ni Jesus ay pagsasalitaan ng mga kasinungalingan dahil kay Kristo.
"Mapapalad kayo pagka kayo'y inaalimura, at kayo'y pinaguusig, at kayo'y pinagwiwikaan ng sarisaring masama na pawang kasinungalingan, dahil sa akin." (Mateo 5:11)
Nakikita ba yan at naririnig ng mga saksi ngayon?
Oo! Kitang-kita namin yan at dinig na dinig. Nababasa pa nga namin dito yung maraming kasinungalingan na sinasabi ng mga tao sa mga saksing ito ng Diyos.
Ano pa?
Kitang-kita din namin ang katuparan ng
2 Timoteo 3:1-5, kung saan inihula kung ano ang magiging kalagayan sa mga huling araw na ito.
Kaya, kung tinawag na mga saksi ang Kristiyano noon dahil nakita nila at narinig mismo kay Jesus ang katuparan ng mga hula sa Kasulatan, ganoon din sa ngayon ang makabagong panahong mga saksi,
nakikita namin at naririnig namin ang katuparan ng mga hula sa Bibliya na sinabi mismo ni Jesus, 2000 years na ang nakakalipas. Yan ang mga bagay na sinasaksihan namin at pinapatotohanan.
Nasaan ang ebidensya namin?
Nasa Bibliya at nararanasan namin yan sa pakikitungo sa amin ng mga tao.
So, sino ngayon ang 'tunay at tapat na saksi' na tumutulad kay Jesus?
Sa daming beses ko ng tinanong kung matatawag ba ninyo ang inyong sarili na 'mga saksi', ni hindi nga ninyo sinasagot, kundi pokus na pokus kayo sa salitang 'Iglesia ng Diyos' para patunayang kayo ang tunay na relihiyon, samantalang, ang mga ginamit ng Diyos noon gaya ni Jesus at ng tapat na Kristiyanong mga apostol ay tinawag na mga saksi.
Kaya, sa ngayon, ang tunay na relihiyon ay tinatawag ding mga Saksi, mga tunay na Kristiyanong tumutulad kay Jesus at sa mga apostol sa kanilang pagiging tunay at tapat na saksi.
Tanggapin niyo man o pasinungalingan man ang mga inilatag ko, o namin, ang mahalaga ay na ginawa namin ang atas namin bilang mga Saksi, ang magpatotoo tungkol sa Diyos.
Hindi ko naman ineexpect na papaniwalaan niyo pa yang mga sinabi ko, bagkus ay baka nga tawagin niyo pang bulaan.
PH
Isip mo agad debate, sa bagay, si Mr. Soriano kasi mahilig din sa debate, so hindi nakapagtataka na ganyan din kalabasan ng mga miyembro ng religion niya 
