PH
© Provided by Kami Raffy Tulfo, nagulat sa update ni Atty. Villamor na lumusog pa lalo si Jonel Nuezca- Nagbigay ng update si Atty. Freddie Villamor, isa sa mga abogado ng pamilya Gregorio kaugnay sa kaso nila laban kay Jonel Nuezca
- Sinabi nitong nai-presinta na nila sa korte ang ikalawang testigo at mabigat na ebidensya at ito ay ang video ng aktwal na pamamaril ni Nuezca pati ang kumuha nito
- Nakapanayam din ni Tulfo ang mister ni Sonia at ina ni Frank na si Florentino Gregorio na labis na nagpapasalamat kay Tulfo sa mga naitulong nito sa kanila
- Umaasa silang personal nang makakarating si Nuezca sa susunod na hearing nagaganapin sa Marso 11
Nito lamang Pebrero 18, ginanap ang ikalawang hearing sa kaso ng mag-inang Sonia at Frank Gregorio na pinaslang umano ng dating pulis na si Jonel Nuezca.
Nalaman ng KAMI na mismong si Atty. Freddie Villamor, ang abogado ng pamilya Gregorio ang nagbigay ng update kay Raffy Tulfo tungkol sa itinatakbo ng kaso.
Sinabi nitong nai-presinta na nila sa korte ang ikalawang testigo na si Alyssa Calosing, ang apo ni Sonia at pamangkin naman ni Frank Gregorio na mismong kumuha ng video.
Raffy Tulfo (Photo from @raffytulfoinaction)
Source: Instagram
Gayundin ang mismong video at cellphone na ginamit ay naisumite na sa prosekusyon at magsisilbing mabigat na ebidensya sa kaso laban kay Nuezca.
Naka-video conferencing pa rin umano ang naka-detain na si Nuezca at hindi pa rin personal na nakarating sa hearing.
Laking gulat pa ni Raffy Tulfo nang mabanggit ni Atty. Villamor na tila lalo pang lumusog si Nuezca nang makita niya ito sa video.
"Kasi ho nasa video, hindi ko masyadong makita talaga, parang medyo tumaba," pahayag ni Villamor.
"Gumanda pa ata sitwasyon niya, tumaba? Bakit tumaba? Dapat nga pumayat siya sa konsumisyon o takot!" sagot ni Tulfo.
Tila para umanong nagbakasyon lamang si Nuezca sa kulungan dahil dapat na ang mga ganoong tao na may mabigat na kaso ay kinakikitaan ng takot at kapansin-pansing pagbagsak ng katawan.
Samantala, nakapanayam din ni Tulfo ang mister ni Sonia at ama naman ni Frank na si Florentino Gregorio na labis na nagpapasalamat sa lahat ng suportang naibigay ng Raffy Tulfo in Action.
Inaasahang makakasipot na si Nuezca nang personal sa susunod na hearing na itinakda sa Marso 11.
Si Raffy Tulfo ay isa sa mga batikang broadcast journalist sa bansa. Mas nakilala siya bilang "Hari ng public service" sa programa niyang 'Wanted sa Radyo'.
Kilala rin siyang YouTuber sa bansa kung saan mahigit 18 million na ang subscribers ng channel niya na 'Raffy Tulfo in Action'.
Sa unang update ni Atty. Villamor kaugnay sa kaso ng mga Gregorio laban sa dating pulis na si Jonel Nuezca, sinabi nitong aabot sa ₱70 million ang kabuuang danyos na mapapagbayaran ni Nuezca dahil sa pagkitil niya ng buhay ng mag-ina.
Nilinaw naman mismo ng asawa ni Sonia at ama ni Frank na si Florentino Gregorio na kahit pa mabayaran umano ni Nuezca ang danyos, sisiguraduhin daw niyang pagdudusahan pa rin nito ang kanyang nagawang pagkakasala upang makamit ang hustisya sa pagpatay nito sa kanyang mga mahal sa buhay.
Disyembre 20 nang gumulantang sa social media ang aktwal na video ng pamamaslang sa mag-inang sina Sonia at Frank Greogorio na nakaalitan umano ang suspek na dating pulis na si Jonel Nuezca.
