Ang dami palang phase ng pag-ibig. Minsan mabilis naman mag-process pero kadalasan matagal.
Ang mahirap pa do'n, yung mga part na matagal e kung nasa'n yung paghihirap. Sadnu?
Parang pag-eenroll ng manu-mano ta's pipila ng pagkahaba-haba na kung bibilangin mo yung beses
ng pagtago at paglabas mo ng cellphone o gadget o kahit anong pampalipas ng oras e mas madami 
pa kesa sa bilang ng taong nababawas sa pila kada minuto. Joke lang, eksaherada ko naman.
Kahit naman siguro sa automated o online, pahirapan din. Mabagal na server, kung di naman e
mabagal na internet connection. Yung mga grades na hindi pa available kase may mga INC pa.
Either incomplete o 'I NEED CASH', bwiset yan lalo na 'pag medyo late na magbigay ng grades
tapos malapit na yung enrollan, 'di mo alam kung regular pa ba o hindi na — yung menstruation mo.
Minsan nga, ayaw na natin pumila kasi ang habaaaaaa tapos nasa dulo ka pa na 'di mo alam kung
aabutin ka ba ng cut-off at aasa ka lang, masasayang ba oras mo sa pagtake ng chance, kung
magpapa-fixer ka na lang ba at gagaya kay Napoles o i-cchainsaw lahat ng nasa pila para mauna.
Pero s'yempre, kung nag-effort ka pumila, kumain ng napakaraming patience — sa inip at sa 
init at sa amoy ng katabi pati ingay ng mga pinagcchismisan ang standing sa PBA pati buhok
ng isang artista hanggang sa mga sikat na pelikula pati yung kaklaseng binabakstab nila
na hindi nila alam e nasa likod lang pala nila — masarap sa pakiramdam 'pag success ang operasyon.

Ang haba naman ng intro mo kuya. Ang dami mong sinabi, yung mga quotes saka landian lang naman
yung gusto naming basahin dito. Love story nga diba, hindi naman namin kelangan ng sermon
o misa dito. Sige, ipagpatuloy mo pa ang 'pag momonologue.

Mahirap pag 'di mo alam kung kelan, pa'no, saan o bakit mo nagustuhan yung taong mahal mo.
Bukod sa wala kang clue pa'no mo siya sisiraan sa paningin mo para kalimutan siya, hindi mo din alam
kung sa'n ka maniniwala. Kung dun sa 50% hope na maayos n'yo pa o dun sa 50% hope na may 'better' pang dadating.
Anyone deserves a second chance. Hindi mo yan maikakaila. First impressions are the best deceivers.
Parang pagpasok ng isang batang galing sa pangkat etniko ta's ipapasok sa private school sa siyudad.
Discrimination. Unacceptance. Parang pagiging cautious sa mga grupo ng mamang sumasakay ng jeep ta's
iniisip mo laging hoholdapin ka nila — na sa totoo lang e nagsisikap maghanap buhay ng marangal.
Opportunity knocks only once, pero kelangan alam mo din kung opportunity talaga 'yon o hinde.
Baka yung kumakatok e budol-budol gang na pala, ta's iisprayan ka o kaya papatinginin ka sa barya
ta's susundin mo na yung mga sinasabi nila. Naloko na. Naloko ka. Sabi nga ni Ernie, knowledge is power.
Madali lang naman magbigay ng second chance. Kahit ng third. Kahit 50th o 100th. Kaso ang tiwala, nauubos.
Oo, pagbibigyan ka niya kahit ilang beses, pero wala na yung feelings. Parang for purpose na lang.
Parang yung ano ng mga prostitute. Vain, numb, walang passion. Ginagawa dahil lang kailangan nila ng pera.

Isa pang nakahabang intro. Game na talaga.

" Pre, musta na kayo ng nililigawan mo? "

" Sakto lang. "

" Pakyu. Ano ka, Coke? Walang ganun, pre. "

" Zero. "

" Ahhh .. totoy ka pa rin talaga. "

" Tado. "

" Puro ka mura, nangyan. Pa'no yung mga odyens naten. "

" Ikaw nauna e. "

" Sowi na bhe. Kelan ba kayo ulit magkikita? "

" 'Di ko alam. Sino kasama mo mamaya kila Poy? "

" Icqkaw lhuangz sxaphat nhua. "

*mukha ng dismayado*

" Ikaw nga lang. Tara na, Jep. "

" Una ka na, Seth. Mag-aayos pa ko ng gamit e. "

" Oh? Lilipat ka na? 1 year ka pa lang dito, batsi na agad? "

" Tangaks. Kukunin ko lang yung pina-laundry ko. "

" Ahhh, ge. Una na ko. "

Hindi ko alam kung bakit pero hindi talaga madali yung magtapat sa babae, unless tititigan mo siya sa mata ta's either 
tatakutin mo siya or kikindatan at papakitaan ng 6-pack na abs, mga muscle na inuugat na parang puputok, iPhone sa 
latest version, DSLR na kwintas ta's yun na yung standard nila, e malamang magkatotoo nga yung easy-get-easy-lose na condition.
Baka kasi mailang siya, ta's maging theme song mo yung 'Creep'. Mabasted ka ta's ma-trauma na sa panliligaw at maging pari.
O kaya naman e mas gusto niya na friends lang kayo talaga — yung tipong andyan ka pa ren para ilibre siya sa Starbucks,
maging tagabitbit habang nagseselfie siya, maging dummy 'pag nabbwiset siya at maging audience sa mga kaartehan niya.

On and off kami, sa totoo lang. Online ako, offline siya. Online ako tapos 'Seen' niya. Nag-memessage naman ako
na parang 'Boyet ang Girlie' conversations (kung sakaling fan ka ni Ramon Bautista), yung tipong may hidden mickey yung
biro. Minsan, tumatawa siya. Sabi niya kasi sa chat, 'Hahaha' e. Sana nga may indicator din kung sarcasm yung reply o hinde.

" Ate, yung pinalaundry ko po? "

" Aga mo, pogings ah. Sa'n ba lakad naten ngayon? "

" Wala naman po, Aling Leline. "

" Nagmamadali ka ba, hiho? Ba't parang may iniisip ka? "

" Ahh .. hehe. Medyo namomroblema lang po. "

" Medyo matagal pa naman yung isang washing mashin. Sher sher din, aba. Tagal na tayong magkakilala e. 'No. Si .. sino ba 'to ..

si Grace ba yon? Yon bang kinekwento mo saken date? Yan ba yang nasa isip mo? "

" .. Uhm .. *tungo* "

" Ahhh .. tagal na nun ah. Parang dati, nung una nating kwentuhan, sabi mo sakin gusto mo nang magtapat enitaym ah. Ba't 

ngayon parang nagdududa ka na? Kung kelan mas magkakilala na kayo? "

" 'Di naman po sa ganun. E kaso po kasi, mas dumami din po yung mga alanganin e. Yung mga pwedeng mawala kung sakale. "

*punas ng basang kamay sa twalya si Aling Leline*

" Alam mo iho, ikaw na mismo nagsabe e. 'Kung sakale' lang naman, hindi naman sigurado. "

" E yun nga po e. Kinakabahan ako. "

" Laki laki mo na e, dapat matapang ka na. Dalawang tao lang naman ang sumasama sa mga field trip saka outing.

Yung mga adventurous na gustong mag-explore saka yung mga gusto lang magrelax para sa scenery. Gets mo ba, hiho ? "

" Kelangan ko mag-bakasyon? "

" 'Wag mong paikutin yung sarili mo sa iniisip mo. Dinaig mo pa yung washing mashin ko e. Dapat para kang anak ko

na gustong lumabas sa hapon kahit mapapalo pag-uwi. Dibale nang nasaktan ka, atleast sumaya ka. "

*papasok yung anak ni Aling Leline*

" Na-ri-nig ko yun ma-ma. La-bas a-ko ma-ya ah. "

" Hinde. Bumalik ka sa kwarto mo't hahampasin kita riyan. "

*babalik yung bata sa kwarto niya*

" Alam mo Jep, kung gusto mo naman talaga, wala siyang magagawa e. Kung ayaw niya sayo, edi 'wag. Gwapo ka naman.

Matalino. Pero 'wag kang maging bata — yung batang mas okay na sa sarili na pinapanuod yung ibang bata na 

naglalaro sa labas, nagsasaya, tapos ikaw mamatay-matay sa inggit. Naku, mas mahirap tumandang binata. "

" Salamat ho talaga. "

" May bayad yon hoy. "

" Ay .. magkano po? "

" Magtapat ka lang, bayad ka na. Kaya mo yan. :) "

Di ko alam kung susundin ko ba si Aling Leline e. Andali kasing sabihin, e sobrang hirap naman gawin. 
Sana ako na lang si Thor e. Gwapo, malakas, lumilipad, may Mjolnir, superhero, lapitin ng chiks. 
Di naman sa nawawalan ako ng confidence sa sarili ko pero s'yempre, seryoso ako e. Mukha ba kong nagbibiro?

Medyo tanghale na nung nakauwi ako. Tupi dito, tupi doon. Buti nga sakto sa allowance yung pang-laundry e. Less hassle.
Kaen, basa onte ng libro tapos tulog muna bago pumarty. Mga hapon na ata no'n nung sinundo ako ni Seth.

" Jeeeeep! "

*katok sa pintuan*

" Walang tao dito. "

" Sumuko ka na! Napapaligiran ka na namen! "

*katok ulit sa pintuan*

" Wala kaming yelo. "

Tapos binuksan na nila yung pintuan. Bwiset, 'kala ko nakalock.

" Tado ka talaga. Sabi na't nanginginain ka na naman e. "

" E kayo lang umuubos ng pagkaen ko e. "

3 silang pumasok. Si Seth, si Bob saka Marlon (from tallest to smallest yan ah) ta's ako yung kukumpleto sa kanila.
Ako yung pinakamaliet. Di naman maliit talaga. Si Seth, 6'1. Si Bob, 6-flat. Si Marlon, 5'11. Ta's ako, 5'8 lang.
Natapos nilang ubusin yung kinakaen ko ( isang kaldero saka adobo ) tapos nanghihingi pa ng extra rice.

" Wala na kong hapunan mga kumag kayo. "

Marlon - " Odi tara na nga. Bomogchi na tayo kila Poy. "

Bob - " 'Di ko pa nga tapos ubusin 'to eh. *masasamid* "

Seth - " Tara na nga kase. Baka tamarin pa 'tong si Jep e. "

Marlon - " Ba, 'busin mo na yan. "

Bob - " 'Wag mo tapon 'to Jep ah. Ubusin ko yan mamaya. "

Seth - " Hahaha. E baka tumumba ka ka'gad sa round 1 e. "

" Onga. "

Buti may tricycle na tumigil agad sa tapat namen. Kasya kaming apat sa loob. Naku po, sabi ko sa sarili ko.
Malakas kasi yung tama netong tatlo e. Si Bob dun sa kaliwang harap, si Marlon dun sa labasan.
Si Seth sa likod ni Bob, tapos s'yempre dun ako sa likod ni Marlon. Kawawang driver talaga.
5 minuto lang pagtapos umandar, umandar na din yung katarantaduhan netong tatlo. Si Seth, nilabas yung camera.
E medyo tanders na yung driver ( yung mga medyo ampalaya na yung skin ) , nilabas n'ya yung ulo niya sa kaliwa
ta's sumelfie katabi ng mukha niya yung mukha ng driver. 

" Salamat manong! Hahahaha! " 

*tatawa kaming apat*

Madami pang kabaliwan 'tong tatlo kaso sa sobrang tawa ko, nakalimutan ko na kaya 'di ko na ikkwento.
Medyo gabi na no'n nung nakarating kami kila Poy. Onti lang yung tao, 'di kagaya nung kila Mimi date na wholesome.
Kung nabasa mo na yung unang kwento bago 'to, alam mo na ngayong buhay pa 'ko. Kung hindi mo pa nabasa, kdie.
1 year na rin akong naka-move-on kay Kat. I hope she feels good. Never ko na kasi nalaman yung results ng operation niya
e. Either nabuhay man siya o hinde, right decision na rin siguro si dad para ilagay ako dun sa gitna.
Siguro ganun talaga minsan. May mga bagay na dadaan lang satin ta's kelangan agad tanggalen, parang sabon saka toothpaste.

Yung tatlo, dumiretso dun sa mga babae. Nakanang. Sobrang bait ko, ano. Dumiretso ako sa duty ko, si Grace.
'Di ko alam kung baket ako napasubo e. Sabi nga ni BLKD, baka gusto kong sumuko na lang. No point holding back naman, so rak.

Nauna na akong nagsalita.

" Oy. :) "

" Oy. "

*tahimik*

" Grace. "

" Oh. "

" Pa'no kung gusto kita. "

" Gusto. "

" Maging gelprend. "

" E hindi naman ako sexy. Yun nga hinahanap mo lagi e. "

" Wala e. 'Di ko pa rin mahanap yung papantay sayo e. "

" Pa'no 'pag nahanap mo na. "

" Malamang tatawagin ka nung 'Mama'. "

" Pa'no kung baog ako. "

" Ayoko din naman sa bata. "

" Pa'no 'pag pumangit na 'ko habang tumatanda. "

" Kasama na yun sa package nung ginusto kita. "

*tahimik si Grace*

" Pa'no kung hindi kita gusto. "

*tahimik ako*

Ang sakit no'n. Kahit hindi pa eksakto yung sagot, medyo eksakto yung tanong e. Parang may kinikilingan agad.
Parang yung pagtatanong mo ng 'Gusto mo pa bang kumaen' kesa sa 'Ayaw mo na bang kumaen?'.
Siguro 'di ko lang alam yung gagawin ko. Tatambling ba, maglulumpasay, iiyak, maglalaslas, manto-troll sa LoL o sa Dota.
Medyo paiyak na ko nun e. Tinatagan ko na lang yung sarili ko. Sabi ko, nasabi ko naman na e. Atleast.

" Sapakin mo ko. "

*sinapak n'ya ko*

" Iiyak na ba ko, Grace? "

" Masakit ba yung suntok? "

" Medyo e. "

Hindi naman talaga, pero tagos 'gang sa puso ko. Gang sa next life. At sa susunod pa. Sumpain yung mga apo ko. *insert evil laugh*
Parang maguguho na yung mundo ko. 'Di ako makangiti na gusto kong tumawa. Ewan. Ang awkward. Natameme na lang ako.

" Okay ka lang, Jep? "

*ngumiti ako*

" Tanga ka ba, Grace? "

" Medyo. "

" De, joke lang. 'Di ka naman tanga. 'Di mo nga ako pinili e. Sino ba naman ako, e pang-Bench bodies ka. Pang Baywalk. "

" Parang model sa Century Tuna? Yung kasama ni Derek? "

*ngiti ulit ako*

" Parang ganun na nga. "

Ang awkward nung ngiti ko. Parang pinilet kasi parang class picture ng kinder ta's tinakot ako na papaluin ako 'pag 'di ako ngumiti
kasi nagtatampo ako dahil 'di ako binili nung favorite kong laruan na Tamagochi. Di naman talaga tanga si Grace, siguro ako. May luha onte yung mata ko.

" Jep. "

" Grace? "

" Kaibigan pa rin ba kita? "

" Kung magiging lalake ka, papayag ako. "

" .. 'lam mo Jep muntik din naman kitang mahalin e. "

" Alam ko. *insert awkward na tawa* Pogi ko e. "

" Muntik na din kitang sapakin sa sinabi mo. "

" 'Wag na. Baka magbago yung meaning ng sapak mo kanina. "

" 'Lam mo kasi Jep, parang opinyon yung pag-ibig mo e. "

" Galingan mo yung pagkukumpara ah. "

" Wala namang mali e. Mukha rin namang totoo kaso parang hindi talaga e. "

*

" Parang .. "

" Asymptote. "

" Forever na tayong .. "

" Parallel. "

" Patapusin mo muna ako. Atleast nag-meet naman tayo once diba. "

" Intersection. "

" Pa'no tayo napunta sa Math? "

" Ewan ko sa sumulat saten. Dapat madrama yung usapan natin diba. "

" Ta'ntado talaga 'tong sumulat sa—"

Oops. Hindi talaga yon yung usapan nila. Simula dun sa may asterisk, eto yung kasunod talaga.

" Nagkulang ba 'ko Grace ? "

" Hinde. "

" Ang swerte naman niya. "

" Talaga? "

" S'yempre tinalo ako e. "

*di siya nagsalita*

" Grace. Pwede ipakilala mo siya saken? "

" O'naman. "

" Kelan ? "

" Ngayon. "

" Pupunta siya dito? "

" Uhm .. andito na siya. "

Kinabahan ako. Ibig sabihin nasa paligid lang kanina pa.

" Oh, kanina ka pa pala dito Grace. "

" Ya. Nga pala, si Jep. Jep, boyprend ko. Si Seth. "